[肉羊哩咖]

故事：

S1 主線有三條：一條係地聯政府官員 Chrisjen Avasarala,，致力打擊 Belters 恐怖主義，因某事件疑心可能有第四方嘅存；第二條係 Belter 船 Canterbury 上面部份船員嘅經歷，最係一條嘅谷神星上面，一位差人 Joe Miller，被上頭派去跟一單尋人「秘撈」，佢越查落去，就發現事件背後絕唔簡單，就好執著不計代價咁查落去。

S2 主線都有三條：火星軍中一個陸戰隊員 Bobby，遇上神秘襲擊之後嘅經歷，Chrisjen Avasarala 努力防止貿然對火星開戰，察覺到陰謀存在但已身陷險境；元 Canterbury 嗰班船員同 Joe Miller 經過 S1 事件，開始追查事件嘅源頭同背後陰謀，因為各人嘅理念唔同，再加上佢哋漸漸參與 Belter 內部政治，出現決裂危機。

S3因為 S2 結尾嘅大事件，嚟至三方嘅主角們慢慢走埋一齊，一面要應付呢個大事件帶嚟嘅翻天覆地嘅轉變，一面要制止三方爭奪某樣嘢而開戰，另一面又要對付背後引發事件嘅第四勢力。

主要人物：

［小行星］
James Holden - 元地球人，出身美洲蒙大拿，屋企非常「現代」（你睇咗就明），加入過地聯海軍（宇宙軍），離開軍隊之後，去咗小行星，担任貨船 Canterbury 暫代大副。為人有領導能力，有責任感，富正義感，雖然出身係咁，但同情 Belters，可以話佢同情弱者，無人拎佢過去嚟生事。令本人諗起 Firefly 嘅 Malcome Reynolds （有機會真係要講一講套 Firefly，絕對係經典）

Alex Kamal - 元火星人，加入過火星海軍（宇宙軍），因為某個（本人唔鬼記得嘅）原因，離開軍隊，拋妻棄女加入 Canterbury到宇宙闖盪，駕駛技術一流。但由於太過正經八百，唔似 Firefly 嘅 Wash。

Naomi Nagata - Belter，個性剛強嘅機械士，同 Holden 有好多感情「磨擦」，令人聯想到 Firefly 嘅 Zoe。

Amos Burton - 有街童過去嘅副機械士兼打手炮手，亦係 Canterbury 上一員，性格比較沉著但對人極度直接。有啲 Firely 入面 Jayne 嘅影子但無佢咁「可愛」。

Joe Miller - 谷神星上嘅刑警，被派去跟單尋找少女失蹤案件，雖然表面好鬼老油條，對呢件案非常執著。之後遇上 Holden 之後惺惺相惜。

［地聯］
Chrisjen Avasarala - 地聯政府負責內政同情報㔏首，反戰派，S2 慢慢發現政府內部有不可告人嘅陰謀，唔只危害佢人身安全，亦會推地聯同火星進行全面戰爭。

Julie Mao - 係世界其中一個最大企業 Mao-Kwikowski Mercantile 主席 Jules-Pierre Mao 其中一位千金，嚮小行星帶神秘失蹤，佢發生咗嘅事，串起埋各主角嘅命運。

［火星］
Bobbie Draper - S2 登場，火星「海軍」陸戰隊一名「沙展」，有領導力，戰技高超，愛同僚，亦非常愛國，因緣際會之下，捲入陰謀之中，之後再遇上 Holden 一眾。