[肉羊哩咖]

Carnival Row 可以講係阿媽桑另一套大型製作。設定一個虛構嘅世界，人類同其他幻想生物（半人馬、妖精等等），而科技係維多利亞時代式嘅 steampunk，但巫法仍然暗中運作。故仔主題係種族問題同少少帝國主義，其中有好多反映返好多近年現實嘅情況。

劇情分幾條主線：男主角警官一條，難民身份嘅女主角經歷又一條，家道中落嘅兄妹同佢個新鄰居，仲有議長一家。除咗男女主角兩條之外，其他好似無乜關係，呢八話會慢慢或多或少將佢哋喇埋一齊。其中有幾個扭橋，全部都幾引人追落去，同樣地無乜拖戲亦無話超展開嘅問題。男主角演技乎合期待中咁好，反而女主角演出就唔係好掂，佢兩個個戀情唔多 buy，配角亦有得有失，對兄妹同佢鄰居寫同演都唔錯，最後議長個仔個演說係就係 set 咗下一季會點，但係一啲感染力都無，編劇要扣分。

製作無疑好認真，尤其怖景同衣著方面，妖精飛行啲特技幾好，佢點處理啲翼幾實用同有趣，但啲怪物就認真地假。而叫得似「權力遊戲」，除咗戰爭同陰謀，「愛情動作」呢家嘢當然唔少得，幾乎個個主要少少，後生少少嘅女角都有露點鏡頭（反而好出位嘅 The Boys 半秒都無）。

中上，期待下一季。