拒停工惹全城嬲嬲！林鄭死頂︰市民配合好感動
引用:
「山竹」遠離香港，但昨日特首林鄭月娥拒絕宣佈港府帶頭全港停工，數十萬打工仔昨早要在無巴士、火車、道路充滿倒塌大樹情況下趕上班，引爆交通大混亂，港鐵大圍站更一度有逾萬人等車。林鄭今早出席行會前，仍死撐決定無錯，否認是「攞市民性命較飛」，她指沒有停工方案的考慮，是因為「無一個機制去評估法律後果、對各行各業的影響」，因此她作出一個強烈及多次的呼籲，要僱主對僱員未能上班諒解及包容，強調業界都認同此做法，亦有諒解僱員。
她形容山竹「真係一個超強颱風」，各項數據都比去年「天鴿」嚴峻，重申今次香港是安然渡過，因準備及應對充足，令人安慰。她感謝各方人員包括傳媒等，努力善後，又稱各市民配合「令我好感動」，亦有市民自發清理障礙物，對此非常感動。
被問到如何看待逾二萬巿民在其Facebook給予「嬲嬲」，她有否觀看巿民留言，林鄭指，對於有巿民覺得政府做得不足，已表明政府會繼續努力，指自己「完全可以體會得到」，並指：「因為我睇過哂你講嗰啲相，有啲都好有創意的短片」，指自己完全可以體會巿民因為要在鐵路站等待多時、感到很徬徨，不知道有車還是無車搭的情下，而感到很憤怒和不滿，「咁所以喺咁的情形之下，攞特首嚟出吓氣，係無問題既，特首係可以畀人鬧嘅，但你話係咪因為咁而去做一啲無法律基礎、無做過對香港社會各行各業評估，亦唔知跟住後果係點樣的決定呢，恐怕呢個就唔係我認為行政長官一個負責任的做法，希望大家明白」。
對於法律界議員郭榮鏗指，特首根據香港法例第241章《緊急情況規例條例》，絕對可以宣佈將昨天訂為公眾假期。林鄭今日回應時指，每位法律界人士，對於香港法例的詮譯，「都可能有自己嗰套」，但她不覺得今次政府適合引用上述條例去進行工作，「我仍然認為透過政府的呼籲，係一個比較有效的方法」。
對於有前線公務員指，昨日到近放工時間，才有個別高級高務員收到林鄭指缺席毋須請假的電郵，林鄭指，自己昨日的說法並非新生事物，她個人亦做了多年公務員的上司，每次颱風過後，她若有同事未能上班，例如其辦公室的秘書，都會致電她，告訴她：「林太對唔住，返唔到嚟」，她則會回應：「返唔到嚟咪唔返嚟囉！最緊要安全為主」，指自己不會要求相關員工要請假，因為這是「不近人情」，「所以我噚日所講的嘢，只係人之常情，但係你話呢個人之常情的上情，是否能夠下達得到呢？」
她強調政府其實有內部通告，公務員或公務員的主管都應該認識相關指引，「若果八號或以上熱帶氣旋警告訊號取消後，員工因未有公共交通服務或道路水浸等事故未能準時上班，應盡快通知主管人員，主管人員亦應體諒個別受影響員工的情況作彈性處理」。林鄭又指，她昨日講多了的唯一一樣安排，是主管不應要求員工就缺席申請假期，「我本來期望，我講咗之後，都盡快可以通知各級同事，呢度可能喺內部溝通方面未臻完善，第日呢個都於保安局全面去檢視的嘢」。
|
淋病X腦細：借O的倚唔返工班HIHI，秋天過後先同你慢慢計...
