引用:
作者: 歌絲˙暮斯
又唔洗咁快臭蟲論住。
有新人就禁住砌,你估得 DOA 有? TK 無 SF 無?呢度 GG 個個都話人自己新手你都知乜事啦。
唔好話 fig game 係咁,槍 game 一樣, 十幾 lv 但 kill/dead ratio 5:1 果 d全部係老手開細帳食新人呃牌。
更加唔好以為只有香港地速食文化係咁,上面講果 d 好多講英文。
最根本,人口夠多,新人自然有機會一路打一路練。
SF TK 香港地 d 新人都係俾人殺,TK 少人 d 都搞到幾比賽,仲有世界賽,SF 更加有本地人揪贏世界級。
DOA 有幾多玩 game,你睇下幾 post 講緊 d 衫啦。
由手機版發出
|
講得啱, 其實任何一隻格game, 新手一定會俾中手(唔駛講高手了)係咁殺, 會唔會進步, 有冇機會進步, 就睇下殺完人果個中手會唔會俾番多D意見, 最重要其實係俾人殺果個新手會點諗.... 一係俾人殺到無癮或者覺得唔啱玩然後棄game, 一係自己努力上進, 研究下個系統, 研究下D招有咩特性或者通常有咩對策, 上youtube搵教學, 或者睇下比賽對戰片之類..... 講到底都係睇果個新手究竟願唔願意花心思去學個格鬥系統同D招, 定係走去玩下換衫然後影下D囡囡碌地沙咁囉.
好似鐵拳, 7代都唔少新人入坑, 都係同一個群組, 同一班中/高手lead住, 有D打幾個月已經好揪得, 有D幾個禮拜就quit game, 好睇果個人自己點諗.