梁特歸咎上屆政府遺留土地問題 曾蔭權首回應：叫佢問林鄭
引用:
提到現任特首梁振英班子將房屋供求失衡責任歸咎於土地問題，矛頭直指向上屆政府，前特首曾蔭權接受《am730》訪問時回應表示，欣然接受各方批評，「任何批評都係出於誠意，都係公平嘅！」，但指亦要考量客觀環境，回想當年因應市況停止定期賣地後，也許應繼續開發新地皮，但他不諱言，開發新地皮面對不少困難，不能「移山填海」，同時要爭取地區及環保人士的支持，形容「真係好艱難去搵新地！」
他憶述99年亞洲金融風暴後，香港面臨困境，是中型住宅樓價下跌六至七成，「啲人好驚，如果房地產仲係猛谷拍(賣)地出去，都唔知會變咗咩樣，當時市民亦唔會支持」，政府當時為挽救樓市而施「重藥」，包括停止定期賣地及停建居屋，曾強調當時並非完全不供應土地，只是改用勾地制度，當時覺得是準確，但事後回想，每個政策都可以做得更好，「只係當時我哋冇做到一樣嘢，就係雖然我哋唔賣地，依家回想嚟睇，都要積極、積極開發新嘅地皮」。
他坦言，最艱難工作是開發新地皮，「如果你問吓當時做房屋署嘅局長，或者問返(林)鄭月娥都係，佢做發展嘅，都係好艱難嘅事幹，去搵新地………」，同時亦面對來自各方的阻力。曾蔭權認為，房屋問題最大樽頸是土地開發，亦是至今仍面對的最大挑戰，「移山又唔准，填海又唔准，所有綠化土地又唔准，加高亦都唔准，點算呢？同埋密度又唔能夠增加，所以係好大挑戰！」，「回想起嚟，每個政策都有好處、有壞處，人哋嘅批評你都要接受，有啲係啱，有啲冇咁準繩都未定，但市民批評你要接受！」
|
不是最衰佔中/講毒嗎？
