[肉羊哩咖]

唔知, 不過班監察官似傳統軍人多啲, 好鬥但唔多玩戰場外嘅手段;

二來第一話講過, 原本預計去地球一趟來回都起碼5個月, 而家鐵華團要走隱敝路線, 加拉爾號角真係要玩人質牌就要快, 要調頭要好鬼死耐, 時間亦唔見對任何一邊有利

最弊係, 宇宙空間長程通訊極困難(見第一話), 你捉咗人質而通知唔到澳加一行人都無用, 而死鬼司令就利用呢點欺上瞞下

所以目前最有可能係監察官會二仔底--死跟, 用白兵戰上船捉人

不過反正仲有其他勢力設定好, 等住無耐介入(仲有兩部高達骨架), 反正加拉爾號角好似講到咁上下, 下回文戲, 等牛仔男出場~

=====
到目前維止, 製作群好似定好晒要講啲乜, 個世界係點, 所以個故明快有條理, 少犯駁咁, 唔知會唔會中間變 -- 有冇收視數字?

=====
老賊(唔加個死字好畀面喇)好鍾意玩「政治偶像」呢味(意淫?), 搞到連W都學咗佢呢套, 不過係得梟博士似樣, 除咗有個人魅力之外, 亦講到佢班目標想聽嘅嘢, 政治力就~ 反而呢套大少姐有多少少似政治家, 起碼係「進步派」嘅, 不過睇落去先 -- 電視姬? 有名你叫, 佢個女傭仲叻過佢, 算罷喇~