士郎唔係蠢
佢唔係唔明白阿茶講既野係事實、甚至佢自己已經體會到一部份既記憶
但係堅持理想需要既從來唔單止係要理性...
阿茶就係已經忘記左堅持自己信念最緊要既係初衷同埋熱情
相反士郎其實係諗通左，佢已經知道自己既理想係包埋接受佢既理性係有著咁痛苦既一面
阿茶見到現實既殘酷同理想既痛苦，想逃避所以先返黎發洩
如果你覺得士郎接受呢個現實然後依然向呢條路行係一件錯事，咁我諗你要諗下你既人生觀其實會唔會就係覺得實行理想既時候遇到痛苦應該逃避啦....
Saber係呢條線本來就唔能夠得到救贖(因為Fate線已經救贖左)
但本來Saber係呢條線企係旁邊聽阿茶同士郎既對答 就已經有搵到答案既跡象
Saber身為王既時候都好似阿茶一樣，放棄人類既心、人間性、人類既價值觀，作為守護神一樣保護不列顛
佢亦都好似阿茶一樣，到最後面對唔到現實，所以選擇左向願望機逃避，想否定自己所做既一切
但其實佢亦都同阿茶一樣，忘記左當然拔劍既時候既初衷同果種願意接受拔劍帶黎既一切結果既心
士郎既勝利，其實亦都打碎左Saber心中既矛盾
士郎即使認同自己面對既現實係殘酷、最後一定死於非命、一定比自己既理想背叛
但呢D佢都全部接受晒，佢認為呢D就係佢實行理想要付出既代價，其實係佢既理想既一部份，唔可能切割開黎
呢條線既Saber相信亦係聽完士郎同阿茶既說話，就明白後侮其實就等於否定當初拔劍既自己
所以先會決定放開，接受自己身為人既一生就係做到咁多，得到呢個結果
類似既價值觀其實係Fate/Extra CCC亦都有題及到，臥藤門司對ジナコ講既道理其實亦係類似既概念
