[( ﾟωﾟ)?]

引狼入室啦Σ(°Д°)

http://hk.apple.nextmedia.com/news/a...40627/18778648

飛凳掟阿媽　再摑三巴 爛賭忤逆仔收監4月

38,780

適中字型 較大字型

■忤逆子魏忠溜以摺凳襲擊兼掌摑母親，被判囚四個月。
【本報訊】持單程證來港與母團聚的失業漢，不滿被七旬母親責怪爛賭成性，竟隨手執起摺凳掟向母親，糾纏間更扭揑母親手腕兼掌摑三大巴。忤逆子昨認罪，裁判 官吳蕙芳直斥正值壯年的他竟「食阿媽、住阿媽仲要打阿媽」，極不孝。她聞及辯方指他不諳香港法律，禁不住反駁：「唔通國內打人就唔係罪行咩？尤其是打阿媽 㖭！」終判囚四個月。
記者：陳美莉　陸羽平



47歲無業被告魏忠溜，昨承認襲擊致造成身體傷害罪，控罪指他於本月十八日，於粉嶺寓所襲擊74歲母親邱美云。控方指被告於當日下午賭錢後回家，被母親責 怪爛賭，爭執期間被告將摺凳掟向母親，令其左腳紅腫，更扭揑母親左手腕兼掌摑三巴。被告事後被警方拘捕，警誡下否認施襲，更直指：「我冇打阿媽，係佢打我 咋！」




官：唔通國內打人唔係罪？

辯方昨求情指被告與母因言語衝突始出手，望獲輕判。裁判官吳蕙芳聽罷控方案情後已火起，坦言必定會判處即時監禁，聽罷求情後怒斥：「你正值壯年兼四肢健 全，點解唔搵工做？」辯方解釋被告來港後任地盤散工，惟他因言語不通被解僱。吳官聽罷不屑道：「你落嚟香港就預咗啦，你應該要面對。」
辯方坦言被 告自知罪行嚴重，應受教訓，惟不諳香港法律，案發後已還柙逾一星期，望獲判緩刑，早與母修補關係。吳官直斥：「企喺阿媽立場，你唔去搵食，食我、住我、用 我之餘，仲要攞嚟賭，我仲點同你修補關係，唔通叫阿媽忍你咩！」更斥：「我真係唔信國內同香港法律有咩分別，唔通國內打人就唔係罪行咩？由其是打阿媽 添！」
吳官判刑時坦言：「你而家打到阿媽咁，又唔係打等齡嘅人，又唔係推一推，仲係摑幾巴，又用埋folding chair（摺凳）。更何況打阿媽，仲係74歲嘅老人家。」吳官指有云『百行以孝為先』，「你鄉下都有啦」，考慮被告行為極不孝，即時入獄四個月。
案件編號：FLCC3207/2014

http://hk.apple.nextmedia.com/news/a...40627/18778651

母：寄佢返大陸

26,869

適中字型 較大字型

■七旬母親邱美云談及被襲經過，痛哭流涕。

【本報訊】原居於汕尾的被告魏忠溜，已婚並育有一對子女，惟在港老父去世後，母親邱美云以團聚為由成功替他於本年二月申領單程證來港。記者昨探訪被打的邱 婆婆，她老淚縱橫哭訴：「呢個仔好惡，響鄉下成日打人，我響屋企都俾佢打得好厲害，佢放監之後，呢度無地方俾佢住，寄佢返大陸！」
同樣說鶴佬話的 邱婆婆，一直依靠社署援助維生，惟兒子來港後游手好閒兼好賭成性，她憶述逆子惡行時很激動：「我逼佢返工，佢又唔返，成日打我，一係就瞓覺，一係去賭錢打 麻雀，我話親佢，佢就打我，打到我隻腳瘀晒，又推我埋床，鐵閘都撞爛埋。」邱婆婆指着頭頂，指逆子試過用雨傘插她的頭，縫了很多針。她坦言不欲再與逆子同 住，記者聯終上她的女兒，女兒坦言：「家家有本難念的經，阿哥出監後我會接阿媽走，唔會俾佢兩個一齊住。」